2006 yil 31 dekabrdan 2007 yil 1 yanvarga o'tar kechasi 30-kanal efirga uzatilishi to'xtatildi. Va hozirga qadar 30-kanal efir yuzini ko'rmayapti. Nima sababdan? Nega aynan yoshlarning sevimli kanaliga aylanib ulgurgan 30-kanal ish faoliyati to'xtatildi? Nima bo'ldi ekan? Bu kabi savollar barchani havotirga solgan holda qiziqtirmoqda.
Savolga javob esa hali hanuz yo'q. 30-kanal taqdiri nima bo'lishi hozircha noma'lum. 30-kanal yopilishi ham, ish faoliyatini davom ettirishi ham mumkin. Tabiiyki, hamma 30-kanalni ishlashini istaydi. Ammo, u yana qaytadan efir yuzini ko'rarmikin? Yoki bu joyni boshqa bir kanal egallar ekanmi? Savollar ketidan savollar, javobdan esa darak yo'q. Shuni alohida ta'kidlash joizki, www.Shou-bizneS.uz portali 30-kanalni yana tiklanishi tarafdori! Biz sen bilan!
Sardor Rahimxon... bu xonandani ko'pchilik avvaliga birgina omadli qo'shiq uni ko'tardi, degan fikrni bildirishgan edi. Darhaqiqat uni "Ishonmasman" taronasi elga tanitdi. Biroq, ba'zilar u haqiqiy iste'dod egasi ekanligiga shubha bilan qarashdi. Lekin, bu noto'g'ri fikr ekanligini Sardor isbotladi.
Yana kimladir uni faqatgina ma'yus taronalarni yaxshi ijro eta oladi, sho'x qo'shiqlarni ijro etishni eplolmaydi, deb ham gap-so'zlar tarqatdi. Yo'q! Sardor hammaga o'z iste'dodini yana bir bor ko'z-ko'z qildi, "Nechun erkam" deb nomlangan sho'x tarona va unga ishlangan klip bunga isbot bo'la oladi. Marhamat, "Nechun erkam" nomli qo'shiqqa ishlangan klip lavhalaridan bahramand bo'ling. Tez kunlarda klipni ham portalimizdan ko'chirib olish imkoniyatiga ega bo'lasiz.
Ulug'bek Rahmatullaev ijodida katta yangilik. Xonanda o'zining "Sevma..." nomli albomini sotuvga chiqardi. "Pan-terra" studiyasi tomonidan tayyorlangan mazkur albomni menimcha ko'pchilik orziqib kutgan edi.
Endilikda siz albomni harid qilib, a'lo kayfiyat ila tinglashingiz mumkin. 14 ta qo'shiqdan iborat bo'lgan albomdan 3 ta hali hech qayerda jaranglamagan taronalar ham o'rin egallagan. Bulardan biri bo'lmish "Tushungin meni" taronasiga esa Ulug'bek Rahmatullaeb klip suratga oldirish taraddudida. Xonandaning ta'kidlashicha klip antiqa ravishda suratga olinar ekan. Demak, kutamiz!
Davron ErgashevEstradamizning yorqin yulduzlaridan biri Davron Ergashev navbatdagi albomini sotuvga chiqardi. Albom "Jingalak" deb nomlanadi.
Davron Ergashevning "Jingalak" nomli taronasi mazkur albomning eng hit taronasi deb bemalol aytishimiz mumkin. Albomdan 12 ta qo'shiq o'rin egallagan. Ayni kunlarda sotuvga chiqqan mazkur albomni sotib olishga shoshiling. Zero, albom chegaralangan nusxada sotuvga chiqarilgan.
ZodaYaqindagina internet tarmog'ida www.ZODA.uz sayti tashkil topganligidan xabaringiz bor.Yosh xonanda Zoda o'z muxlislari talab va istaklariga binoan o'z web-saytini tashkil ettirgan edi. Hozir esa sayt ish faoliyatini boshlagan.
Ayni kunlarda xonanda yana bir yangi tarona tayyorlamoqda. Ma'yus tarzda ijro etiladigan tarona "Qalbing seni" deb nomlanadi. Qo'shiq musiqasi va so'zi Nodira Abdulazizova ijodiga mansub. Tez kunlarda tarona studiyada yozilib, siz azizlar hukmingizga havola etiladi.
Yosh xonanda Zebo o'z muxlislariga o'zgacha mehr-muhabbatli ekanligini xatti-harakatlaridan anglash qiyin emas. Birinchilar qatorida Zebo barcha o'zbek ahlini qolaversa, butun dunyo ahlini kirib kelayotgan Yangil yil va Iyd qurbon hayit ayyomi bilan tabrik yo'lladi.
Zebo: Aziz hamyurtlar va Shou-biznes.uz portali foydalanuvchilari men barchangizni kirib kelayotgan Yangi yil ayyomi hamda muborak Iyd qurbon hayiti bilan chin yurakdan muborakbod etaman. Sizni hech qachon omad va quvonch tark etmasin, - deya ZEBO!!! Shu o'rinda Zebo o'z muxlislari uchun yangi yil sovg'asini ham hadya etish niyatida. Sovg'a egasi esa quyidagi savolga eng birinchi javob yo'llagan shaxs bo'ladi: Zebo ijrosidagi "Agar sen" nomli taronasiga ishlangan klip qayerda va kim tomonidan suratga olingan? Javoblaringizni info@sb.uz manziliga yo'llashingiz mumkin.
