"Sunami" - g`aroyib voqealarga boy bo`lgan sarguzasht badiiy film. Mazkur kinoasarda bir guruh kursdoshlar dam olishga Tailandga borishadi. Biroq, ular dam olishga ulgurmay ko`ngilsizlikka duch kelishadi. Dam olayotgan paytlarda Sunami yuz beradi va natijada ularni har tomonga uloqtirib tashlaydi. Ana endi sarguzasht boshlanadi. Yoshlar bir-birlarini izlab yurganlarida tumsoxlarga, ilonlarga duch kelishadi. Xo`sh, bunday holatga tushganda siz nima qilgan bo`lardingiz?... Filmda yoshlar qanday chora ko`radilar? Albatta savolga javobni filmni tomosha qilgach olishingiz mumkin.
Filmda shu va shu kabi hodisalar mahsus effektlar yordamida ishonarli qilib ko`rsatib beriladi, - deydi film ijodkorlari.
"Sunami" badiiy filmida Sevinch Mo`minova, Jamila Azizova, Muhammad Iso Abdulhayirov, Erkin Komilov, Saida Rametova, Lutfulla Sa`dullaev, Gulchehra Sa`dullaeva va boshqa taniqli aktyorlar bosh rollarni talqin etishmoqda.
Filmning taqdimoti noyabr oyining o`rtalariga mo`ljallanmoqda. Albatta Alisher Navoiy nomidagi muhtasham kinosaroyda bo`lib o`tadi.