Eng so'nggi yangiliklarBehruzFM to'lqinlari orqali yangrayotgan "Yevropa" taronasi sizning e'tiboringizdan ham chetda qolmagan bo'lsa kerak. Behruz ijodidagi ushbu tarona xonandaning ashaddiy muxlislariga juda ham yoqqan ko'rinadi. Nega deysizmi? Chunki ushbu taronadan so'ng xonanda bilan bog'lanib muxlislar yana shunga o'xshash yangi taronani taqdim etishini so'rashgan. Sentyabr oylarida Jahongir.uz musiqasi, Temur so'zi bilan yaralgan "Do'st" taronasi sizning hukmingizga ekskluziv tarzda taqdim etiladi. Kuzating faqat bizda!
Eng so'nggi yangiliklarRavshan SobirovRavshan Sobirovning ijodida so'nggi kunlarda qisqa tanaffus sezilib qolgan edi. Xonandaga ushbu savol bilan murojaat qilganimizda, u bizga, aksincha eng qizg'in ijod pallasida ekanligini ma'lum qildi. Muxlislarga atab Mudofaa vazirligi bilan birgalikda Jizzax shahrida "BVS" studiyasi bilan "Vatan uchun" nomli taronasiga klip suratga olib, tez kunlarda taqdim etishini ma'lum qildi. Ushbu qo'shiqning musiqasini Ravshan Sobirovning o'zi yozgan. She'ri esa Xusan Sodiqovga tegishli. O'z muxlislari uchun tinim bilmayotgan xonanda tez kunlarda ularga atab katta sovg'a tayyorlaganini ham aytib o'tdi.
Eng so'nggi yangiliklarAziza Jonim Aziza Jonim - jarangdor nom. Avvaliga Aziza nomi ostida ijod qilgan xonanda mana bir qancha vaqtlardan buyon shu tahallus bilan ijodini davom ettirmoqda. Aziza Jonimdan yangi taronani qarshi olishga tayyormisiz? Xonanda hozirda nomi sir tutilayotgan taronani muxlislarga taqdim etishdan oldin, uning ijodkorlarini tanishtirishni istadi. Matn muallifi Ibrohim Jiyanov, musiqa muallifi Farhod. Qo'shiq "Pan - terra" studiyasida yozildi. Yaqin kunlarda bizning portal orqali birinchilardan bo'lib qo'shiq nomini bilib olasiz. Xonanda iqtisod bo'yicha ta'lim olgan edi, shu kunlarda o'qishni davom ettirish uchun shu soha bo'yicha aspiranturaga xujjat topshirgan. Biz unga omad tilab qolamiz. Aytishadiku, "Beshikdan to qabirgacha ilm izla", - deb. Aziza Jonim shu maqolga amal qilgan ko'rinadi. Bexabar qolmasdan ogoh bo'l!
3 avgust Shou-biznes olamida unutilmas kun bo’lib qoldi. “Shou-biznes.uz” hamda “Akfa-media” bilan hamkorlikdagi yangi loyihasi estrada yulduzlari bilan yaqinlik tutib ularning ijodlarini aynan shu sayt orqali muxlislar hukmiga taqdim etildi. Yana shuni aytib o’tish joizki siz sayt orqali barcha xonandalarning qiziqarli ijod namunalarini va to’g’ridan to’g’ri muloqatini ko’rish imkoniga ega bo’lishdi. Ushbu anjumanda estradamizning barcha ko’zga ko’ringan xonandalari va yosh iste'dodli xonandalar ishtirok etishdi. Shulardan: “Bojalar”, Oybek va Nigora, Ziyoda, Ravshan Sobirov, Anora, Behruz, sevimli boshlovchingiz Jahongir Mirzo, Aziz Rajabiy, Mirjamol, Otabek Mutalxo’jaev, Roksana, Aziza Jonim, Yayra, Yasmina, Sharof Muqimov, Jo’rabek, Ulug’bek Rahmatullaev, Samandar hamda qizlarning erkatoyi Yodgor Mirzajonov. Bu bo'lajak matbuot anjumaniga tayyorgarlik ko’rishdir. Shunday qilib bu anjuman davom etadi. Ha aytgancha, tez kunlarda saytning o’zgarishi va ikki jamoaning birlashuvi munosabati bilan matbuot anjumani bo’lib o’tadi. Biz bilan birga bo’ling eng qaynoq yangiliklar faqat bizda
O'zining "Baxt yomg'iri", "Sensiz kerak emas" taronalari orqali muxlislar qalbidan joy olgan umidli xonanda Kamila qisqa fursatli tanaffusdan so'ng yana ijodga bel bog'ladi. Kamila ijrosidagi "Yurak" nomli taronasiga klipmeyker Yodgor Nosirov tomonidan ajoyib, qiziqarli mavzuga ega klip tasvirga tushirildi. Ayni kunda klip "Akfa-media" studiyasida montaj jarayonida. Tez kunlarda klipning prem'erasi aynan bizning portalimizda bo'lib o'tadi. Hozircha esa, odatdagidek klip lavhalaridan bahramand bo'lishingiz mumkin. Fotosuratlarni ko'rish uchun ichkariga kiring.
